Luis Enrique: Kolo Muani lojtar i madh, por vështirë të kthehet te PSG

Kolo Muani po shpërthen në Serie A, ku brenda një kohë shumë të shkurtër është kthyer në një lider tek Juventus. Sulmuesi francez u transferua në Torino në formë huazimi deri në fund të sezonit, por nuk ka thuajse asnjë shans që të rikthehet edhe një herë në Paris, fakt që e pranon edhe Luis Enrique.

“Unë kam gjithnjë fjalë pozitive për lojtarët e mi. Kolo Muani është një lojtar i madh, por është e vështirë që të vijë te PSG. Gjithsesi, unë kam vetëm fjalë të mira për të dhe për të gjithë ata lojtarë që nuk arritën të na ndihmonin ashtu si unë do të doja”, u shpreh Luis Enrique.