Malaga shkarkon trajnerin Victor Sanchez për shkak të një video skandaloze të shpërndarë në rrjetet sociale. Klubi spanjoll konsideron se 43-vjeçari “ka dëmtuar imazhin e klubit me sjelljet e tij jashtë aktivitetit sportiv”.
Drejtuesit andaluzianë kanë emëruar përkohësisht Sergio Pellicer në krye të ekipit, i cili deri tani ka mbajtur detyrën e teknikut të Malaga B. Policia spanjolle po vazhdon hetimet në lidhje me videon teksa Sanchez pretendon se i është cënuar privatësia.