Manchester City hidhet në sulm për Koulibaly, bën gati 70 milionë euro

Manchester City do të konfirmojë besimin ndaj trajnerit Pep Guardiola dhe t’i përforcojnë edhe më shumë organikën. Mbrojtja duket se është “thembra e Akilit” për “qytetarëve”, ndaj pas holandezit Nathan Ake, drejtuesit e klubit anglez kanë nisur negociatat me Napolin, për të marrë shërbimet e senegalezit Kalidou Koulibaly.

Ky i fundit prej kohësh e ka pranuar se dëshiron të largohet nga Napoli për të provuar një tjetër eksperiencë, teksa skuadra angleze ka gati 70 milionë euro.

Napoli kanë filluar të mendojnë edhe për pasardhësin e Koulibaly dhe kanë nisur negociatat me klubin e Lille, për të marrë shërbimet e mbrojtësit 22-vjeçar brazilian, Gabriel dos Santos Magalhaes.

Ky i fundit ka shkëlqyer këtë sezon, duke u shndërruar në një titullar të francezëve, të cilët nga ana tjetër mund të heqin dorë nga mbrojtësi, nëse arkëtojnë një shifër prej 15-20 milionë eurosh.