Manchester United tremb Interin, ofron 15 milionë euro për Kumbullën

Interi në orët e fundit u përfol për arritjen e një marrëveshje për transferimin e Mara Kumbullës për në merkaton e verës, por operacioni nuk do të jetë aspak i thjeshtë. Kjo për shkak se në orët e fundit në garë është shtuar edhe Manchester United, madje me një propozim konkret.

Klubi i Premier Ligës ka lëvizur për të mposhtur konkurrentët për mbrojtësin shqiptar, duke paraqitur ofertë në vlerën e 15 milionë eurove, plus bonuse. Dëmtimi i Maguire së fundmi ka bërë që klubi anglez të kërkojë një mbrojtës, i cili të ofrojë garanci në prapavijë teksa shkodrani shihet si një zgjidhje ideale.

Oferta e “Djajve të Kuq” është e vetmja që i afrohet pretendimeve të klubit italian, me Hellas Veronën që kërkon 20 milionë euro për kartonin e mbrojtësit.  Për Marash Kumbullën interes kanë shfaqur edhe klubet e tjera të mëdha të Serie A si Juventus, Napoli, Lacio dhe Atalanta, ndërkohë që nga Premier League spikat Leipzig.