Mancini publikon listën e parë me Italinë, 9 debutues në Kombëtare

Trajneri i Italisë, Roberto Mancini, ka bërë publike listën e parë të lojtarëve të grumbulluar në rikthimin e tij në stolin e “Axurrëve”. Tekniku italian ka përzgjedhur 34 futbollistë për katër ndeshjet e para të Nations League.

Italia do të përballet fillimisht me Belgjikën më 25 shtator në “Olimpico” të Romës, përpara transfertës ndaj Turqisë më 28 shtator në Bursa. Më 2 tetor, “Axurrët” do të luajnë ndaj Francës në “Stade de France”, ndërsa katër ditë më vonë do të presin sërish Turqinë në “Dall’Ara” të Bolonjës.

Në listën e Mancinit spikasin edhe disa emra të rinj. Për herë të parë janë grumbulluar Pessina, Ghilardi, Kayode, Kouadio, Doumbia, Romano, Sebastiano Esposito, Vergara dhe Zoma.

Një nga veçoritë e listës është edhe grumbullimi i dy vëllezërve, Francesco Pio dhe Sebastiano Esposito, të cilët do të jenë së bashku në përfaqësuese.

Portierë: Marco Carnesecchi, Gianluigi Donnarumma, Massimo Pessina, Guglielmo Vicario.

Mbrojtës: Honest Ahanor, Alessandro Bastoni, Riccardo Calafiori, Diego Coppola, Giovanni Di Lorenzo, Federico Dimarco, Daniele Ghilardi, Michael Kayode, Eddy Kouadio, Gianluca Mancini, Giorgio Scalvini.

Mesfushorë: Nicolò Barella, Bryan Cristante, Issa Doumbia, Nicolò Fagioli, Davide Frattesi, Rolando Mandragora, Alessandro Romano, Sandro Tonali.

Sulmues: Nicolò Cambiaghi, Francesco Pio Esposito, Sebastiano Esposito, Samuele Inacio, Moise Kean, Daniel Maldini, Giacomo Raspadori, Gianluca Scamacca, Antonio Vergara, Nicolò Zaniolo, Mohamed Alì Zoma.