Marash Kumbulla mbetet në La Liga

Marash Kumbulla duket se do të vazhdojë karrierën e tij në kampionatin spanjoll. Mbrojtësi i Kombëtares shqiptare është shumë pranë transferimit te Rayo Vallecano, ku pritet të luajë sezonin e ardhshëm në La Liga.

Sipas mediave italiane, Roma ka vendosur të mos e përfshijë Kumbullën në projektin e saj të ri dhe po punon për një tjetër huazim të futbollistit 26-vjeçar. Negociatat mes palëve janë në fazën përfundimtare dhe pritet vetëm konfirmimi zyrtar i marrëveshjes.

Edhe pse ka ende dy vite kontratë me klubin kryeqytetas italian, e ardhmja e mbrojtësit shqiptar duket se do të jetë larg Romës. Pas eksperiencës së fundit te Mallorca, ku u aktivizua si i huazuar dhe zhvilloi paraqitje pozitive pas një periudhe të vështirë me dëmtimet, Kumbulla është gati për një tjetër sfidë në futbollin spanjoll.