Maresca nuk i beson krizës së City-it: Në fund do jetë në garë për titull

Manchester City është në krizë rezultatesh, teksa gjërat në këtë sezon për kampionët e Anglisë nuk po shkojnë si duhet. Gjithsesi, trajneri i Chelseat, Enzo Maresca-s, shprehet se, pavarësisht situatës, “Qytetarët” do të luftojnë deri në fund.

“Unë mendoj se Man City në fund do të jetë aty. Ata janë në një moment që nuk ka ndodhur kurrë më parë. Sa herë që luajnë një lojë, ata kanë disa lëndime. Ata nuk kanë lojtarë të mjaftueshëm në këtë moment.

Ata që kanë ndoshta nuk janë 100 për qind sepse sapo janë kthyer nga lëndimi. Është një situatë shumë e keqe, por mendoj se është për të gjithë kur ndodh diçka e tillë”, tha Maresca.