Mario Balotelli ka mbetur pa ekip, por “shënon” me vajzat

Karriera e Mario Balotelli te Liverpool thuajse ka përfunduar.

Por futbollisti duket se nuk e ka vënë shumë “ujin në zjarr” për të ardhmen, teksa u nis për në shtëpinë e tij në Itali, javën e kaluar .

Në vendlindje, 24 vjeçari u fotografua së bashku me miqtë e tij teksa kalonte një mbrëmje të çmendur në Portofino.

Lojtari është parë duke dalë nga klubi ku zhvillohej festa pak i trishtuar, kjo për shkak edhe të vdekjes të së atit në fillim të këtij muaji.

Kjo nuk ka zgjatur shumë pasi Balotelli duket se po ia ka kaluar më së miri i fotografuar duke luajtur me dy vajza dhe shokët e tij.

Më pas Mario është ulur jashtë në një tavolinë me një vajzë tjetër ku janë parë duke biseduar dhe shijuar pijet e tyre.