Kylian Mbappe rrezikon të humbasë ndeshjen e Ligue 1 kundër Angers dhe kualifikueset me Francën. Sulmuesi i Paris Saint-Germain ishte kthyer në fushë në gjysmën e dytë të pjesës së dytë të sfidës së Champions League kundër Galatasary.
Sipas L’Equipe, Mbappe ka pësuar një dëmtim të ri të muskulit të kofshës së majtë që e kishte mbajtur larg fushës gjatë gjithë shtatorit. Për momentin, sulmuesi rrezikon të humbasë impenjimin e afërt me klubin, të shtunën, por sidomos sfidën e dyfishtë me kombëtaren kundër Islandës e Turqisë, ndeshje të vlefshme për kualifikueset drejt “Euro 2020”.
Mbappe rrezikon të mos luajë, teksa Tuchel dhe Deschamps nuk duan të rrezikojnë, për të evituar probleme më të mëdha.
