Mbrëmje drithëruese në Champions/ Milani kërkon 3 pikët në Zagreb, Juvja ndeshje nderi ndaj Benficës

Champions League sonte në mbrëmje vjen me ndeshjet e pesta të fazës së grupeve që do të sjellin dhe verdikte të rëndësishme për kualifikimin e disa skuadrave.

Milani luan një ndeshjeve vendimtare në Zagreb  kundër Dinamos. Kuqezinjtë kanë vetëm 4 pikë dhe ndodhen në vendin e fundit, po aq sa ekipi kroat, ndaj dhe fitorja është detyrim për ta.

Po në të njëjtën orë, Chelsea do të luajë në transfertë ndaj Salzburgut. Nuk do të jetë aspak e thjeshtë për Blutë e Londrës në Austri pasi vendasit kanë treguar se mund të bëjnë surprizën.

Spikat mbi të gjithë super dueli mes Benficës dhe Juventusit. Skuadra portugeze ka qenë një ndër surprizat e këtij sezoni dhe janë thuajse të kualifikuar. Bardhezinjtë ndërkohë mes dëshpërimit do të kërkojnë një fitore që i mban ende në lojë, teksa një vesh do e kenë dhe te sfida e PSG ndaj Maccabi, por që ka pak gjasa për surpriza.

Dortmund-City është një tjetër ndeshje që pritet të rezervojë emocione dhe gola. Të dyja skuadrat kanë siguruar kualifikimin, por verdhezinjtë kanë ende shanse për vendin e parë. Reali ndërkohë do të luajë në transfertë ndaj Leipzig. /R.Lika-Koha Jonë/