Mbrojtësi i njohur i Ajax dhe Holandës diagnostifikohet me probleme në zemër

Mbrojtësi i njohur i skuadrës së Ajax, Daley Blind ka një problem në zemër. Klubi holandez me anë të një deklarate për shtyp ka zbuluar se ai ka një inflamacion në muskujt e zemrës dhe po mbahet nën kujdesin e rreptë të stafit mjekësor.

29-vjeçari ndjeu dhimbje në ndeshjen kundër Valencias dhe u fut menjëherë në analiza. Rezultati për qendërmbrojtësin e holandezëve nuk ishte aspak i mirë. Ajaxi bën me dije se lojtari i tyre do të qëndrojë në Amsterdam dhe do të punojë me rikuperimin e tij.

Një lajm i rëndë ky për Blind që merr një goditje të rëndë, sidomos në moshën e tij. Ish-lojtari i Manchester United dhe titullari i Holandës duhet të qëndrojë pushim dhe mund të humbasë dhe pjesëmarrjen në “Euro 2020”.