Merkato e janarit, vjen një sulmues brazilian për Flamurtarin

Sulmuesi Danilo Almeida Alves i është bashkuar Flamurtarit, si blerja e parë e këtij viti.  Alves, i lindur më 11 Prill 1991 (24 vjeç), 187 cm i gjatë, ka ndryshuar disa ekipe në karrierën e tij. Sezoni i tij më i mirë është 2013-2014, ku ka luajtur për Atletico Sorocaba dhe në 12 paraqitje ka realizuar 6 gola, në kampionatin e Sao Paulos, Paulista A1. Te tjera eksperienca për t’u vlerësuar janë në Serine A Braziliane me Cricuman, në Seria B me Bragantinon dhe me ekipe si Avai në  kampionatin e Santa Catarina dhe Portuguesa në  kampionatin Paulista. Ai është fitues në 2011-ën i kategorisë së tretë të  kampionatit Paulista me ekipin e Penapolense!