E KRYER/ Mesfushori i Milanit transferohet te Lyon në Francë

Milani ka arritur që të mbyllë me sukses operacionin e shitjes së Paqueta-s te Lyon-i. Kuqezinjtë kanë arritur marrëveshje për shifrën e 20 milionë eurove me ekipin francez për transferimin e brazilianit, si dhe të drejtën e ruajtjes së një përqindje në rast rishitje.

Ish-futbollisti i Flamengos kushtoi 38 mln euro bashkë me bonuse, duke ardhur si një dëshirë e madhe e Leonardos, por nuk mundi të linte gjurmë.

Në 1 vit e gjysmë, do të shënonte vetëm 1 gol në 44 ndeshje, teksa Pioli nuk e kishte në planet për sezonin e ri.