Messi do të luajë sërish për Argjentinën

Marcelo D’Andrea, masazhisti i Argjentinës, ka një lajm shumë të mirë për tifozët e Lionel Messit. Ai ka bërë të ditur se ylli i Barcelonës do të luajë sërish për përfaqësuesen argjentinase.

“Unë nuk kam asnjë dyshim se Leo do të luajë në Kupës së Botës ‘Rusia 2018. Kam shumë besim tek ai”, ka deklaruar D’Andrea, përcjell Express.

“Ai e do ekipin kombëtar dhe ai do të bëjë gjithçka për vendin e tij. Askush nuk dinte asgjë rreth daljes në pension. Ai nuk tha asgjë në dhomat e zhveshjes”, ka theksuar ai.

Messi ka paralajmëruar pensionimin nga futbollit ndërkombëtar pas humbjes së Argjentinës në finale të Kupës së Amerikës nga Kili.