Lionel Messi do të zbresë nga minuta e parë në finalen e Kupës së Botës 2026 kundër Spanjës, me shiritin e kapitenit në krah, duke regjistruar një tjetër arritje historike në karrierën e tij të jashtëzakonshme.
Ylli argjentinas është bërë futbollisti i parë në histori që luan si kapiten në tri finale të ndryshme të Kupës së Botës. Messi ka udhëhequr Argjentinën në finalen e vitit 2014 ndaj Gjermanisë, në atë të vitit 2022 kundër Francës, ndërsa tani do të jetë sërish kapiten në duelin e madh të vitit 2026 ndaj Spanjës.
Ky rekord i ri i shtohet një liste të gjatë arritjesh personale të “pleshtit”, i cili prej vitesh ka qenë simboli dhe lideri i kombëtares argjentinase.
Për Messin, finalja në “MetLife Stadium” nuk është vetëm një mundësi për të fituar një tjetër trofe botëror, por edhe një moment tjetër për të forcuar trashëgiminë e tij në historinë e futbollit.