Milan dhe Juventusi mësojnë kundërshtarët në Europa League, shorti rezervon sfida të forta

Milani dhe Juventusi kanë mësuar kundërshtarët e tyre në fazën e ligës së Europa League për sezonin 2026/27. Shorti i zhvilluar në Monaco ka vendosur përballë dy skuadrave italiane disa kundërshtarë me emër, ndërsa të dyja konsiderohen ndër ekipet pretendente për trofeun.

Për Milanin, rrugëtimi europian pritet të jetë më i komplikuar. Kuqezinjtë do të përballen me Benfica-n, ndërsa nga Anglia do të kenë përballë Sunderland dhe Bournemouth. Në total, skuadra italiane do të luajë tetë ndeshje në fazën e ligës, katër në shtëpi dhe katër në transfertë.

Ndërkohë, Juventusi ka një kalendar që në letër duket disi më i favorshëm. Bardhezinjtë do të përballen në shtëpi me Real Sociedad, ndërsa një prej transfertave më të vështira do të jetë ajo ndaj AZ Alkmaar. Në programin e skuadrës së drejtuar nga Luciano Spalletti janë edhe Rennes, Ferencvaros, Omonia, Celta Vigo, N.E.C. dhe Hapoel Beer Sheva.

Kundërshtarët e Milanit

Benfica – në shtëpi

Olympiacos – transfertë

Ferencvaros – në shtëpi

Salzburg – transfertë

Sunderland – në shtëpi

Bournemouth – transfertë

Ararat-Armenia – në shtëpi

Levski Sofia – transfertë

Kundërshtarët e Juventusit

Real Sociedad – në shtëpi

AZ Alkmaar – transfertë

Rennes – në shtëpi

Ferencvaros – transfertë

Omonia – në shtëpi

Celta Vigo – transfertë

N.E.C. – në shtëpi

Hapoel Beer Sheva – transfertë