Milani ka fituar derbin e parë të sezonit 2026/27 ndaj Interit, duke triumfuar me rezultatin 3-1 në përballjen e vlefshme për javën e 10-të të Serie A. Kuqezinjtë e drejtuar nga Ruben Amorim kanë zhvilluar një pjesë të parë fantastike, duke hedhur bazat e fitores përballë rivalëve të qytetit në stadiumin “San Siro”.
Kuqezinjtë kaluan në avantazh që në minutën e katërt. Moreira dhuroi një krosim të shkëlqyer për Christian Pulisic, i cili me një goditje të saktë me kokë dërgoi topin në rrjetë për rezultatin 1-0.
Vetëm gjashtë minuta më vonë, Milani goditi sërish. Pas një goditjeje këndi dhe një skeme të përgatitur nga Moreira, topi përfundoi te Adrien Rabiot. Mesfushori francez realizoi me një prekje të zgjuar, duke mposhtur mbrojtjen zikaltër dhe duke dyfishuar shifrat në 2-0.
Interi reagoi pas minutës së 20-të dhe arriti të rihapë takimin në minutën e 28-të. Pas një goditjeje këndi, Akanji devijoi topin drejt Alessandro Bastonit, i cili i vetëm përballë portës nuk gaboi, duke ngushtuar diferencën në 2-1.
Zikaltërit tentuan të shfrytëzonin momentin e tyre, ndërsa Milani u tërhoq disi në gjysmëfushën e vet. Megjithatë, goditja e radhës erdhi sërish nga kuqezinjtë. Në minutat shtesë të pjesës së parë, Moreira ekzekutoi në mënyrë perfekte një goditje dënimi, duke realizuar golin e tretë dhe duke çuar Milanin në dhomat e zhveshjes me avantazhin 3-1.
Një pjesë e parë spektakolare për skuadrën e Amorimit, me Moreiran që ishte protagonisti kryesor, duke kontribuar drejtpërdrejt në të tria golat e kuqezinjve.