Milani e ka nisur me këmbën e mbarë sezonin e ri në Serie A, duke triumfuar 2-1 në transfertën ndaj Torinos.
Kuqezinjtë dominuan pjesën e parë, duke krijuar disa mundësi, por pa arritur të gjejnë golin. Zhbllokimi i sfidës erdhi në pjesën e dytë, në minutën e 64-t, kur talenti i ri Cissé, ish-lojtar i Catanzaros, realizoi golin e avantazhit për Milanin.
Vetëm dy minuta më vonë, skuadra e Ruben Amorim gjeti edhe golin e dytë. Rabiot përfitoi nga një krosim i saktë i Chukëuezes dhe dërgoi topin në rrjetë, duke dyfishuar avantazhin.
Torino reagoi në minutat shtesë dhe në 93’ shënoi një gol spektakolar me Adams, por ishte tepër vonë për të ndryshuar fatin e takimit.
Milani merr kështu tri pikët e para të sezonit, ndërsa Torino e nis kampionatin me një humbje në shtëpi.