Milani prej kohësh e ka në listën e dëshirave mesfushorin Ivan Rakitic, por transferimi i tij nuk ka qenë i mundur edhe për shkak të shumë ulj-ngritjeve të kuqezinjve.
Sipas mediave italiane, Ivan Gazidis ka gati një projekt për të afruar sa më shumë lojtarë të rinj te Milani, por është i bindur që skuadra ka nevojë edhe për ndonjë element me eksperiencë, rol që dëshiron t’ia besojë pikërisht kroatit.
Ky i fundit nuk bën më pjesë në planet e Barcelonës dhe kartoni vlerësohet rreth 25 milionë euro, shifër kjo e përballueshme nga arkat e Milanit, ndërsa problem për momentin mbetet vetëm paga e Rakitic, që është rreth 8 milionë euro në sezon.
Gazidis u ka ofruar menaxherëve të kroatit një marrëveshje 4-vjeçare, me pagë prej 5 milionë eurosh në sezon. Rakitic është një futbollist me mjaft eksperiencë teksa ndiqet edhe nga Interi, Sevilla, PSG, etj.