Milani kërkon me ngulm sulmuesin e Stuttgart

Milani ka si objektivin kryesor të kësaj merkatoje dimri futbollistin Serhou Guirassy. Qendërsulmuesi po shkëlqen me fanellën e Stuttgart në Bundesligë këtë sezon dhe “Djalli” kërkon që ta blejë për t’i dhënë edhe më shumë forcë ofensivës.

Transferimi i lojtarit në “San Siro” varet nga pagesa e klauzolës me vlerë 20 milionë Euro si edhe nga zotësia e drejtuesve kuqezi për të bindur sulmuesin që të ndryshojë skuadër në mes të vitit futbollIstik.

27-vjeçari ka shënuar 17 gola në 14 ndeshje që ka luajtur këtë sezon në kampionatin gjerman dhe është kthyer në një pikë referimi për skuadrën e Stuttgart. Drejtuesit e klubit gjerman nuk kanë dëshirë që ta lënë të lirë nisur nga kontributi që futbollisti po jep në këtë sezon.