Milani kërkon të largojë Paqueta-n dhe të afrojë dy lojtarë

Milani është duke punuar në disa fronte në merkaton e janarit. Kuqezinjtë synojnë që të mbyllin disa operacione deri ën fund të këtij muaji për të formuar një skuadër më kompetitive.

Pasditen e sotme në “Casa Milan” është parë Agustin Jimenez, agjenti i Rodrigo De Paul, Marias Zarachos por edhe i Angel Correas si dhe Eduardo Uran, agjenti i Lucas Paquetas. Pikërisht braziliani mund të jetë i larguari i radhës nga klubi kuqezi ndërkohë që vendin e tij në skuadër mund ta marrë argjentinasi Rodrigo De Paul, një lojtar që pëlqehet shumë nga tekniku i kuqezinjëve Stefano Pioli.

Edhe Zaracho, trekuartisti i talentuar argjentinas pëlqehet shumë, teksa kostoja e kartonit të tij shkon deri në 18 milionë euro. Për Paqueta-n interesohet Paris Saint Germain, por brazilianët nuk ofrojnë më shumë se 20 milionë euro, ndërkohë që kuqezinjtë synojnë të arkëtojnë rreth 30 milionë euro.