Milani mendon të marrë falas këtë verë heroin e Gjermanisë

Mario Gotze pritet që të largohet me parametra zero gjatë kësaj vere nga Dortmundi, teksa opsioni i parë është Milani. Heroi i Gjermanisë në Brazil 2014 ka vendosur të mos rinovojë me Borussian e Dortmundit dhe Serie A e tërheq shumë.

Sipas “Corriere Dello Sport”, bashkëshortja e Gotzes vjen shpesh në Milano për punë dhe kryeqendra e Lombardisë mund të jetë e ardhmja e 27-vjeçarit në karrierën e tij futbollistike.

Milani do ta bëjë një tentativë për ta marrë Gotzen me 0 euro, edhe pse problemi i madh qëndron te paga që mund t’i ofrojnë kuqezinjtë, teksa futbollisti gjerman ka kërkesa të mëdha.