Milani merr lajmin e madh para derbit ndaj Interit, Ibra është gati

Zlatan Ibrahimovic me shumë mundësi do të jetë në fushë në derbin e të dielës në mbrëmje ndaj Interit. Suedezi nuk ishte në dispozicion ndeshjen e kaluar dhe kuqezinjtë nuk shkuan më shumë se barazimi ndaj Veronës.

Tashmë Ibrahimovic do të rikthehet të stërvitet me grupin dhe duket se e ka marrë veten. Sulmuesi ka qenë edhe një ogur i mirë për Milanin, duke qenë se skuadra i është rikthyer sukseseve me Ibrën.

Në këtë mënyrë, Interi do të ketë një problem më shumë për Antonio Conten, që duhet të gjejë mënyrën për të mbuluar bomberin suedez.