Miqësoret e qershorit / Dalin në shitje biletat për Shqipëri-Izrael dhe Shqipëri- Luksemburg

Kuqezinjtë do të rikthehet në stadiumin Air Albania Stadium gjatë muajit qershor, ku do të zhvillojë dy ndeshje miqësore përballë Izraeli dhe Luksemburgu.

Kuqezinjtë do të zbresin fillimisht në fushë më 3 qershor, në orën 20:00, ndaj Izraelit, ndërsa tre ditë më vonë, më 6 qershor në të njëjtin orar, do të përballen me Luksemburgun.

Federata Shqiptare e Futbollit ka bërë të ditur se biletat për të dyja sfidat janë tashmë në shitje. Tifozët mund t’i sigurojnë ato online përmes platformës eBileta.al, të shpërndara zyrtarisht nga kompania T-Ticket, si edhe pranë pikës fizike të shitjes në stadiumin “Air Albania”.

Sipas procedurës së publikuar, tifozët duhet fillimisht të regjistrohen në platformë duke përdorur një adresë e-mail. Më pas përzgjidhet tribuna dhe ulësja përkatëse në stadium.

Pas zgjedhjes së vendeve, kërkohet plotësimi i të dhënave personale, përfshirë emrin, mbiemrin dhe adresën elektronike. Në fund, procedohet me pagesën online përmes kartës bankare dhe, sapo pagesa të konfirmohet, bileta dërgohet automatikisht në adresën e e-mailit të përdorur gjatë regjistrimit.

Dy sfidat miqësore do të shërbejnë si teste të rëndësishme për Kombëtaren shqiptare në prag të angazhimeve zyrtare të muajve në vijim.