“Mister Bee”, një tajlandez afron 1.1 miliardë Euro për Milan

Ndeshja më e rëndësishme e Seria A do të luhet të djelën mes Inter e Milan. Të dyja ekipet e Milanos ndodhen në pozitat të vështira këtë sezon dhe fitoren e shohin si shenjë ngushëllimi për tifozeritë e tyre të zhgënjyera

Në prag të kësaj sfide, 1.1 miliardë Euro ka ofruar manjati tajlandez Mister Bee për të thyer konkurrencën në garën për blerjen e aksioneve të Milan. Sipas mediave italiane, Bee synon të arrijë kuotën e 70 % të aksioneve brenda këtij viti duke derdhur fillimisht 330 milionë me alternativën e blerjes përfundimtare me 44 milionë Euro të tjera. Pjesa tjetër e shpenzimeve do të shkojnë për të mbushur defiçitin e krijuar gjatë viteve të fundit për të ndërtuar më pas një projekt që garanton suksese në të ardhmen. Por pavarësisht zërave që e afrojnë klubin kuqezi me Bee Taechaubol, një tjetër alternativë që duhet marrë parasysh është edhe përfaqësuesi i një pakete kineze, Richard Lee.

Në këtë mënyrë, tajlandezi kërkon të djegë etapat duke kërkuar ta mbyllë sa më shpejt këtë marrëveshje pasi gëzon mbështetjen e disa biznesmenëve të fuqishëm nga Azia për likuiditetin financiar. Objektivi kryesor është zgjerimi drejt tregut aziatik por edhe ndërtimi i një stadiumi të ri. Bisedimet në kampin italian drejtohen nga presidenti Silvio Berlusconi, i cili ka vendosur veton për të mos lejuar shitjen e më shumë se 70 % të aksioneve. Në këtë mënyrë, ai mund të ruajë postin e presidentit honorifik, ndërsa Barbara Berlusconi do të vazhdojë të mbajë një rol drejtues në shoqëri.

Parma është penalizuar me katër pikë të tjera në klasifikim, ndonëse fitoi një javë më parë me Juventus, kryesues i Seria A. Pas kësaj humbje bardhezinjtë do të zbresin sot në fushë, në përballjen me Lacion e vendit të dytë. Diferenca mes tyre, pas 30 javëve të parë është 12 pikë, por Lacio ka pasur një ecuri fantastike gjatë javëve të fundit, duke njohur disa fitore radhazi dhe përfitoi fundjavën e kaluar nga barazimi i Romës për t’i marrë vendin e dytë. Roma e ndjek një pikë pas dhe synon jo vetëm të fitojë me Atalantën, por pret që të gabojë rivali i saj historik, për të rikthyer në vend të dytë. Në kampin e Lacios pritet të zbresë sot titullar kapiteni Lorik Cana te Lacio, ndërsa portieri Etrit Berisha do të jetë në stol, duke qenë se rikthehet Marchetti.

.

Seria A

Java e 31-të – Sot

18:00 Sampdoria – Cesena

20:45 Juventus – Lazio

19 prill

12:30 Sassuolo – Torino

15:00 Chievo – Udinese

15:00 Empoli – Parma

15:00 Palermo -Genoa

15:00 Roma – Atalanta

18:00 Cagliari – Napoli

20:45 Inter – Milan

20 Prill

20:45 Fiorentina – Verona

1              Juventus               70

2              Lazio                    58

3              Roma                   57

4              Napoli                   50

5              Fiorentina            49

6              Sampdoria           49

7              Genoa                  44

8              Torino                   43

9              Milan                    42

10           Inter                      41

11           Palermo                38

12           Sassuolo              35

13           Chievo                  35

14           Udinese                34

15           Empoli                  33

16           Verona                 33

17           Atalanta               29

18           Cesena                22

19           Cagliari                21

20           Parma                 12