Mjellma e Utrehtit, nostalgjia e Milan ndjehet edhe në Shqipëri

Në fund të muajit tetor, ai festoi 51-vjetorin e lindjes.

Tek Milan ka ende nostalgji, teksa tifozët vazhdojnë dhe urojnë ish-sulmuesin e kësaj skuadre. Por edhe në Shqipëri shumë tifozë besohet se janë bërë tifozë me Milan, në kohën e artë, kur legjenda Marco van Basten luante krah dy patriotëve të tij, Rud Gulit e Frenk Rajkard, dhe me ta formonte treshen me spektakolare të kohës, ndoshta treshen më të goditur në historinë e futbollit.  “51 vite më parë lindi mjellma e Utrehtit (qyteti holandez). Klubi i Milan pasi i uron atij ditëlindjen, dhe e falënderonte për gjithçka kishte dhënë për ne, ” –shkruhej në faqen zyrtare  të Milan, teksa shumë prej tyre vazhdojnë të komentojnë faktin sesi “San Siro” mbushej plot e përplot në kohën e tij, kurse tani…  

Me mijëra tifozë të Milan sot ende kujtojnë me nostalgji vitet e arta të kohës së van Basten, pasi vitet e fundit kjo skuadër duket në krizë. Në kohën e holandezit, spektakli ishte i garantuar me  van Basten, tre herë fitues i Topit të Artë, i cili arrinte të shënonte nga  çdo pozicion aq sa në  sulm konsiderohej nga ata lojtarë që nuk mund të markohej.

Dhe mos harrojmë se i dha lamtumirë futbollit kur ishte 27-vjeç, në kulmin e karrierësm megjithatë la gjurmë, aq sa kujtohet me nostalgji pas gati tre dekadash.