Ekipi i Berlusconit, “Monza”, nuk di të ndalet në merkato, kërkon edhe Cavanin

Ekipi italian “Monza” nuk ka ndërmend të ndalet në këtë sesion të merkatos. Pasi siguruan shërbimet e Matteo Pessina, njeriu i ish-kryeministrit Berlusconi, i njohur Galliani do të provojë të vë në jetë një tjetër goditje të madhe.

Sipas “Sky Sport’ numri një i Monzës është vënë në ndjekje të Edison Cavanit. Sulmuesi uruguajan, tashmë 35 vjeç, mbylli një sezon jo pozitiv te Mancester United ndërsa tashmë është një lojtar i lirë.

Galliani është takuar me përfaqësuesit e Cavanit për të gjetur një akord të shpejtë. Objektiva të tjerë të klubit janë Andrea Pinamonti dhe Andrea Petagna. Sulmuesi i Interit ka gjasa më të mëdha që t’i bashkohet klubit të sapongjitur në elitën e futbollit italian.

Me sa duket “Monza” do të bëjë spektakël këtë vit në Serinë A.