Mourinho: Gruaja e Benitez të merret me dietën e burrit të saj

Hoze Murinjo u përgjigj me një batutë deklaratave të gruas së Rafa Benitez. Gruaja e Benitez tha se trajneri i ri i Realit të Madridit duhet të rregullojë gjithmonë rrëmujat që lë pas Murinjo.

Nërkohë trajneri i Çelsit tha: “Nëse ajo do të kujdesej për dietën e të shoqit, do kishte më pak kohë për të folur për mua”.

Montse Benitez tha në një intervistë: “Reali është klubi i tretë që Rafa drejton pasi aty ka qenë trajner Murinjo”. “Mbetëm duke rregulluar rrëmujën e tij”, shtoi ajo.

Por Murinjo tha se Benitez shkatërroi Interin, pasi fitoi tripletën. Sa i përket Çelsit dhe Realit, Murinjo tha se Benitez është bërë trajner jo direkt pas largimit të tij.