Napoli nis tratativat për transferimin e Marash Kumbullës

Marash Kumbulla është një nga emrat më të kërkuar në merkaton e Seria A. Talenti i kombëtares sonë ka përfunduar në listën e disa prej skuadrave më të njohura, që nuk kërkojnë të humbasin një talent si shkodrani.

Në ditët e fundit, lëvizje më konkrete ka bërë skuadra e Napolit, që ka nisur tratativat me agjentin e lojtarit. Gazeta e njohur “Corriere dello Sport”, raporton se të kaltrit e kanë monitoruar në të gjitha ndeshjet.

Cristiano Giuntoli dhe Tony D’Amico, dy drejtorët sportivë të Napolit dhe Veronës, kanë nisur kontaktet për transferimin e të riut në ekipin e Gennaro Gattusos. Verona kërkon të përfitojë nga momenti i mirë i Kumbullës dhe të fitojë mirë nga shitja e tij, por nuk heq dorë pa 20 milionë euro.