Ndeshjet e fundit në Champions, Junajtid “betejë” me Volsburg për një biletë

Të martën dhe të mërkurën luhen ndeshjet e fundit të fazës së grupeve të UEFA Champions League. Pritet të jetë plot emocione dhe spektakël beteja mes 6 skuadrave që synojnë tre biletat e fundit për në fazën tjetër. Betejat më të fortë do të jenë në përballjen direkte Volsbug – Man Utd, Olimpiakos – Arsenal dhe Chelsea – Porto. Vëmendja ditën e parë është përqendruar në supersfidën e Gjermanisë, në Grupin B, mes Volsburg dhe Manchester United.

Djajtë e kuq humbën vendin e parë, pas barazimit 0-0 brenda në shtëpi, ndaj PSV Eindhoven, ndërsa tashmë kërkojnë vetëm fitore në shtëpinë e kryesuesve nëse duan kualifikimin. Skuadra e Luis Van Gal ndodhet nën presion, pasi holandezët kanë një përballje më të lehtë në letër brenda në shtëpinë e tyre, ndaj CSKA-së së Moskës. Nga ana tjetër, të ashtuquajturit “ujqërit” u duhet vetëm një barazim për kualifikimin. Mançester United vjen nga një barazim 0-0, brenda në shtëpi, gjatë fundjavës me Uest Hem, dhe nuk do të ketë në këtë sfidë shërbimet e Markos Rojo, Ander Herrera, Fil Xhons qe iu bashkëngjiten mungesave të gjata të Luk Shaw dhe Antonio Valencia.

Ndërkohë Uejn Runi është duke luftuar me kohën pas problemeve në kyçin e këmbës. Mcnair dhe Schneiderlin janë në dyshim, ndërsa më pak të “nxehta” shihen sfidat e tjera Sevilla Juventus, Mancester City – Borusia Monchengladbah dhe Real Madrid – Malmo. Kjo për faktin se të mëdhatë e kanë siguruar më shpejt kualifikimin, ndërsa të mërkurën do të luhet edhe ndeshjet e tjera të Champions League.

Champions League

Grup A – E martë (20:45)

PSG  -Shakhtar D.

Real M. – Malmoe

Grupi B

PSV  – CSKA M.

Volfsburg – Manchester U.

Grupi C

Benfica – Atletico M.

Galatasaray – Astana

Grupi D

Manch. C. – Borusia M.

Sevilla – Juventus

E mërkurë – Grupi E

Bayer L. – Barcelona

Roma – BATE B.

Grupi F

Dinamo Z. – Bajern M.

Olimpiacos – Arsenal

Grupi G

Chelsea –  Porto

Dinamo K. – Maccabi T.

Grupi H

Gent – Zenit St. P.

Valencia – Lion