Në Francë janë të bindur, Zidane do të marrë drejtimin e PSG

Zinedine Zidane ka pranuar ofertën e  Paris Saint-Germain. Situata e Mauricio Pochettinos në pankinën e PSG është shumë e komplikuar, teksa “Le10sport.com” raporton se e ardhmja e teknikut argjentinas nuk është më një temë tabu brenda vendit.

Mauricio Pochettino nuk është më i paprekshëm në Paris, aq sa e ardhmja e ish-menaxherit të Tottenhamit duket se është tashmë e vulosur, pasi shanset që ai do të jetë ende në pankinën e PSG-së sezonin e ardhshëm janë pothuajse zero.

Për ta zëvendësuar atë është një emër i madh si Zinedine Zidane. Strategu francez ka preferuar që të qëndrojë pushim këtë sezon, për të nisur një aventurë të re këtë verë, duke e nisur nga e para sezonin dhe jo në mes.