Ivan Rakitic nga janari mund ta shohim në një tjetër kampionat. Mesfushori kroat ka vendosur të largohet nga Barcelona, pasi nuk ka më vend në formacionin e trajnerit Valverde.
Ai ka kërkuar largimin, teksa në garë për të ishin disa ekipe, si Manchester United, Inter apo Juventus. Ditën e sotme, prestigjiozja spanjolle “Sport”, zbulon edhe vendimin përfundimtar të kroatit, i cili duket se ka zgjedhur Juventusin.
Rakitic pritet të bashkohet me bardhezinjtë në muajin janar, me drejtuesit nga Torino që i mbetet vetëm të bien dakord tashmë më drejtuesit e Barcelonës që kërkojnë 35 milionë euro. Kroati përfiton 8 milionë euro në sezon.
