Në Spanjë të gjithë të “çmendur” për “El Toron”, ky trajner telefonon çdo ditë lojtarin: Bashkohu me ne!

Lautaro Martinez është një nga lojtarët më të kërkuar në këtë merkato. Ekipet spanjolle janë në garë për të fituar shërbimet e tij, por në krye, qëndron një fans i madh i “El Toros”. Bëhet fjalë për Diego Simeonen, i cili e kërkon me forcë sulmuesin.

Madje, sipas mediave në Spanjë, tekniku argjentinas telefonon thuajse çdo ditë Martinezin për ta bindur që t’i bashkohet në Madrid.

Në garë për sulmuesin e Interit janë edhe Real Madrid dhe Barcelona. Kjo e fundit duket se e ka të pamundur të kënaqë kërkesat e Interit, e cila, për hir të së vërtetës kërkon shumë para për të lejuar largimin e lojtarit.

Ndërsa Real Madrid, me afrimin në ekip të Carlo Ancelottit, mund të jetë në kërkim të objektivave të tjera për sulmin.

Tashmë topi ka kaluar në krahun e Atletico-s, e cila duhet fillimisht të ofrojë të paktën 90 milionë euro te Interi, si dhe t’i sigurojë “Demit” një vend të sigurt në formacionin startues.