Bayern Munchen pësoi humbje përballë kryesuesve të Gladbah. Ekipi i drejtuar nga Flick kaloi në avantazh me Perisic, por bavarezët nuk ditën të mbajnë epërsinë. Pas ndeshjes është kapiteni Neuer që ka kritikuar ekipin, duke theksuar se pas avantazhit ekipi u përgjum duke mos ndalur dot sulmet e kundërshtarit.
“Ekipit i mungoi saktësia në lojë. Pas avantazhit dukeshim të përgjumur duke mos ndalur sulmet e Gladbah. Nuk duhet të qëndronim pas dhe në pritje të kundërshtarit, sepse avantazhi me një gol nuk i shërben ekipit tonë.
Ata gjetën dy gola sepse ne i lejuam. Kështu jemi duke vënë titullin në rrezik sepse javët kalojnë dhe diferenca rritet”, është shprehur portieri i Bayernit.
