Newcastle shkarkon Steve Bruce, ja dy kandidatët që mund ta zëvendësojnë

Steve Bruce nga sot nuk është më trajner i Newcastle, teksa arabët e PIF kanë vendosur ta shkarkojnë teknikun 60-vjeçar anglez. Bëhet fjalë për një vendim të paralajmëruar më herët në fakt, ndërkohë që kanë dalë në skenë emrat e favoritëve për t’u ulur në pankinën e “Magpies”.

Në Angli janë të bindur që pasuesi i Steve Bruce do të jetë Steven Gerrard, i cili aktualisht drejton skocezët e Rangers, por ishte të dielën në “St. James’s Park” për të ndjekur ndeshjen mes Neëcastle dhe Tottenham.

Së fundi ka dalë në skenë edhe emri i zviceranit Lucien Favre, i cili më herët ka qenë trajner i Borussias së Dortmundit, Nices, etj., dhe ka bërë shumë mirë, ndërsa aktualisht është i lirë që prej vjeshtës së vitit të kaluar.