Neymar firmos për…”Fortnite”

Teksa çdo vit pëson një dëmtim dhe te Paris Saint Germain janë të shqetësuar për formën e tij fizike tepër të brishtë, Neymar vijon i qetë të shkëlqejë jashtë fushe.

Braziliani mbetet një ikonë komerciale për shumë investitorë ndërsa një pjesë të madhe të ditës së lojtarit e mbulojnë edhe lojërat online si FIFA apo Fortnite.

Kjo e fundit si një nga videolojërat më të famshme të dekadës, ka vendosur të konkretizojë bashkëpunimin me Neymar duke e vendosur në lojë figurën e brazilianit.

Siç mësohet, Fortnite bëhet gati për një sezon të ri, i 6 dhe në Shqipëri e Kosovë ka mijëra të rinj që e përdorin dhe janë të fiksuar pas kësaj loje dhe tani do të kenë një mision të ri dhe të rëndësishëm, të bëjnë më të mirën për të arritur te figura e brazilianit.

Në prill çdo gjë do të jetë gati dhe një mision për të patur Neymar në skuadër nuk do të jetë aspak e lehtë sipas autorëve të lojës së famshme e nga ana tjetër e ardhmja futbollistike e brazilianit mbetet ende një pikëpyetje.