Neymar: Mund të largohem nga futbolli që në dhjetor!

Sporti E Premte, 20 Shkurt 2026 12:06

Santos vazhdon të besojë te Neymar, duke i rinovuar kontratën deri në dhjetor 2026, pavarësisht problemeve të shpeshta fizike që e kanë shoqëruar vitet e fundit. Megjithatë, e ardhmja e yllit brazilian mbetet e paqartë.

Në një intervistë për Caze TV, sulmuesi 34-vjeçar pranoi se nuk ka një plan afatgjatë dhe se vendimet për të ardhmen do t’i marrë me kohë.

“Nuk e di çfarë do të ndodhë. Mund të ndodhë që në dhjetor të vendos të ndalem. Do të jetë një zgjedhje që do ta marrë zemra”, u shpreh ai.

Me FIFA Ëorld Cup 2026 në horizont, motivimi i Neymar mbetet i lartë, por në Brazil shtohet bindja se sezoni i Botërorit mund të përfaqësojë aktin e fundit të një karriere të jashtëzakonshme, të mbushur me suksese, por edhe me pengesa fizike.