Njihuni me kampionin më të ri të Europës, shqiptari që përfaqëson Italinë

Nga provinca Trento në majën e Europës. Kjo është historia e Ylber Hasa djalit nga Shqipëria që përfaqëson Italinë në sportin e njohur “Sanda Pro”. Falë sakrificës dhe punës së palodhur Ylber Hasa tashmë është kampioni i Europës në sportin ‘Sanda Pro’ në kategorinë e veçantë të 65 kg.

Rezultati përpara 4000 spektatorëve në “Sant Jordi Palau” të Barcelonës është një shpërblim i merituar për vitet e punës të sportistit shqiptar që ka zgjedhur të mbrojë ngjyrat e shtetit italian.

“Unë kam filluar të praktikoj këtë sport para 5 vitesh dhe jam ngjitur në ring me një vendosshmëri të madhe dhe sot jam Kampion Europe”, rrëfen shkurtimisht ai.