Nuk pëson driblim që nga muaji shkurt, Buongiorno është kthyer në “mur” te Napoli

Disa sezone më parë Virgil van Dijk nuk pësoi asnjë driblim brenda sezonit. Alessandro Buongiorno është në rrugën e duhur, pasi nuk është kaluar nga asnjë kundërshtar që nga shkurti i kaluar, me 1513 minuta në total.

I ardhur për 40 milionë euro nga Torino, ai është kthyer në liderin e mbrojtjes së Antonio Contes-it të Napolit. Vetëm një gol i pësuar, ndaj Parmës, me të në fushë.

Me pak fjalë, tani për tani një bast i fituar, edhe pse ka ardhur te Napoli për një shifër të konsiderueshme. Edhe sezonin e kaluar me Torinon ishte një lider i vërtetë në mbrojtje. /R.Lika-Koha Jonë/