Partizani ekipi më i ndjekur në Superiore, Tomori në Kategorinë e Parë

Partizani është skuadra që ka më shumë tifozë në Shqipëri , që e ndjekin në stadium. Sipas statistikave të publikuara nga “european-football-statistics.co.uk”, të kuqtë janë ekipi me shikueshmërinë më të lartë në Kategorinë Superiore për këtë sezon, me një mesatare prej 4.370 spektatorësh, në çdo ndeshje. Ndërkohë që në Kategorinë e Parë, vendin e parë e mban Tomori i Beratit, si skuadra që ndiqeh më tepër nga tifozët. Të kuqtë e trajnerit Shpëtim Duro janë reshuar këtë sezon në pretendentë për titull,, trofe që i mungon nga viti 94’. Për gati gjysmë shekulli Partizani njihet si skuadra më me shumë tifozë në Shqipëri.