Partizani nis një epokë të re, trajneri i ri merr zyrtarisht drejtimin e skuadrës

Florin Bratu do të jetë trajneri i ri i Partizanit, ndërsa nga klubi pritet vetëm prezantimi zyrtar. Emërimi i teknikut rumun vjen pas largimit të Oltijon Kërnajës, i cili u shkarkua pak javë para përfundimit të sezonit të kaluar.

Edhe pse prej kohësh qarkullonin lajme për një marrëveshje mes palëve, ka qenë vetë Bratu ai që ka lënë të kuptohet se gjithçka është mbyllur, duke publikuar në rrjetet sociale një fotografi me uniformën e Partizanit dhe inicialet e tij.

Trajneri rumun merr drejtimin e skuadrës në një moment delikat, pasi të kuqtë vijnë pas një sezoni zhgënjyes, në të cilin nuk arritën të siguronin një vend në kompeticionet europiane. Për këtë arsye, drejtuesit synojnë një ringritje të ekipit, ndërsa priten edhe ndryshime të rëndësishme në organikë pas largimeve të disa futbollistëve.

Bratu e nisi karrierën si trajner në vitin 2014 te Dinamo Bukuresht, fillimisht në strukturat drejtuese, për të vijuar më pas me ekipet e moshave dhe skuadrën e parë. Ai ka drejtuar gjithashtu disa klube rumune, kombëtaren U21 të Rumanisë, si edhe skuadrën qipriote Karmiotissa. Në karrierën e tij njihet për preferencën ndaj skemës taktike 4-2-3-1 dhe tashmë do të ketë objektivin për ta rikthyer Partizanin mes pretendentëve kryesorë për titullin kampion.Me ndarjen e tij nga jeta, arti shqiptar humb një nga përfaqësuesit e tij më të rëndësishëm, ndërsa Korça i dha lamtumirën me thjeshtësi një prej simboleve të saj kulturore, duke lënë të gjallë në kujtesën e publikut veprën dhe emrin e Koço Qendros.