Partizani zyrtarizon sulmuesin nga Mali i Zi

Nikola Vujnovic është lojtari më i ri i Partizanit. Klubi i kuq njoftoi firmën me sulmuesin nga Mali i Zi këtë të Premte. Përforcim i rëndësishëm për kryeqytetasit në repartin e avancuar, aty ku kishin disa largime gjatë kësaj merkatoje.

Vujnovic vjen nga kampionati i Azerbajxhanit, nga skuadra e Sumgayit. 28 vjeçari gjatë karrierës së tij ka qenë pjesë e Radnicki Obrenovac dhe Rad në Serbi, Villarreal B në Spanjë, Kansas City në SHBA dhe HNK Gorica në Kroaci.

Partizani ka bërë të ditur se sulmuesi ka firmosur për një vit e gjysmë.