Pas koronavirusit, UEFA mendon për “Final Four” në Champions League

UEFA po përgatit një formulë revolucionare për të mbyllur garat evropiane. Gazeta As ka publikuar disa prapaskena lidhur me hipotezat që po mendohen në Nyon prej disa ditësh.

Ideja e fundit e drejtuesve të UEFA-s është për një Final Four me një qëndër të vetme, Stambollin dhe stadiumin ku ishte në program finalja e Championsit.

Dy gjysmëfinale teke dhe një finale e madhe siç ndodh në Euroleaguen e basketbollit. Kjo ide do t’u propozohet federatave të futbollit të martën në mbledhjen e jashtëzakonshme të UEFA-s.

Ky opsion do të merret patjetër në konsideratë pasi është një mundësi e mirë për të përfunduar në kohë Champions Leaguen dhe Europa Leaguen.