Paul Pogba dhe aventura e tij te Manchester United përfundon në janar

Paul Pogba dhe aventura e tij te Manchester United mund të përfundojë në ditët e para të vitit 2022. Mesfushori francez tashmë e ka vendosur që do të largohet nga “djajtë e kuq” dhe që në ditët e para të janarit, do të gjejë një klub të ri për të vazhduar karrierën e tij.

Sipas “Football Insider”, Pogba i ka komunikuar klubit se është gati të largohet që në janar, në mënyrë që anglezët të përfitojnë diçka nga shitja e tij, meqë do të largohet gjithsesi si futbollist i lirë në qershor kur i përfundon kontrata.

Ndaj duket se këto janë ndeshjet e fundit në të cilat ai do të veshë fanellën e klubit legjendar.