Payet madhështor, Marseille triumfon dhe blindon vendin e dytë

Marseille ka mposhtur me rezultatin minimal ekipin e Toulouse, sfidë e vlefshme për javën e 24-ët të Ligue 1. Ka mjaftuar një gol nga Dimitri Payet në pjesën e dytë që marsejezët të triumfojnë.

Fantazisti francez merr një pasim të shkurtër në hyrje të zonës. Avancimi i tij nga e majta i fitoi pak hapësirë dhe Payet nuk u mendua dy herë, duke lëshuar një silurë me të djathtën dhe duke shtangur portierin mik.

Ky gol mjaftoi që Marseille të marrë tre pikët dhe të ngjitet në kuotën e 49 të tillave, duke blinduar vendin e dytë në Ligue 1.