Manuel Locatelli ka rrëfyer së fundmi një prapaskenë nga e kaluara e tij, duke zbuluar se kishte refuzuar interesimin e Arsenalit sepse dëshironte vetëm transferimin te Juventus. Deklarata e kapitenit bardhezi ka shkaktuar reagime dhe ironi në rrjetet sociale.
“Arsenali është një skuadër e jashtëzakonshme, me një histori të madhe, por unë doja vetëm Juventusin. Agjentët e mi më propozonin skuadra të tjera dhe unë u thosha jo, dua vetëm Juven”, kishte rrëfyer Locatelli.
Deklarata nuk kaloi pa u vënë re nga Ryanair, e cila është e njohur për postimet ironike në rrjetet sociale. Kompania ajrore shpërndau deklaratën e mesfushorit dhe e shoqëroi me një koment thumbues: “Top 3 gjërat që nuk kanë ndodhur kurrë”.
Një përgjigje që u bë menjëherë virale dhe i dha një tjetër dimension deklaratës së Locatellit, duke kthyer një histori të merkatos së kaluar në një moment humori në rrjetet sociale.
top 3 cose mai successe https://t.co/cNbKIujwHQ
— Ryanair Italia (@Ryanair_IT) August 19, 2026