Përfundon pjesa e parë me rrjeta të paprekura, kuqezinjtë ”kërcënues” për portën e Gjeorgjisë

Përfundon në barazim 0-0 pjesa e parë e ndeshjes Shqipëri-Gjeorgji, e vlefshme për Nations League, e cila po luhet në ”Air Albania”. Trajneri Sylvinho ka kryer vetëm një zëvendësim në 11-shen e tij, duke hedhur në fushë Hoxhën në vend të Laçit. Kuqezinjtë e nisën mjaft mirë këtë kompeticion, duke mundur me përmbysje Ukrainën në Pragë me rezultatin 1-2.  Hoxha, Asani dhe Asllani tentuan disa herë nga jashtë zone, por pa rrezikuar portën e Mamardashvili. Një fitore do ta bënte Shqipërinë një kandidate kryesore për të fituar grupin dhe për t’u ngjitur në Ligën A, përtej faktit që do ta afronte edhe me play-off të Botërorit 2026. Gjeorgjia gjithashtu ka treguar një formë të mirë. Pasi bëri surprizën në Euro 2024, ekipi i Willy Sagnol zhvilloi dhe një sfidë të mirë me Republikën Çeke, duke triumfuar me rezultatin 4-1.

Komentet e rëndësishme nga ndeshja:

39’ Hoxha merr topin në të majtën dhe arrin fundoren, harkimi i tij drejt qendrës nuk gjen askënd.

37’ Hoxha nga e majta provon me një tjetër gjuajtje nga distanca, sfera nuk merr trajektoren e duhur drejt portës.

36’ Një top i Asllanit devijohet para se të mbërrijë te Manaj në qendër të zonës.

35’ Asani nga e djathta gjen hapësirën për të nisur sferën drejt qendrës, Mamardashvili është në pozicion dhe kontrollon sferën.

29’ Asllani provon vetë nga jashtë zonës, e djathta e tij nuk gjen portën.

27’ Pasime të shpejta pranë zonës së kuqezinjve, Kvara sheh një tjetër gjuajtje të bllokohet nga Asllani.

25’ Rast i rrezikshëm për miqtë me një top nga e djathta që fatmirësisht nuk devijohet nga Kvaratskhelia para portës.

21’ Asllani tenton një skeme në goditje dënimi, harkimi i tij drejt Ismajlit ndalet nga Mamardashvili, para se mbrojtësi të sinjalizohet në pozicion jashtë loje.

16’ Kiteishvili provon nga e distanca, pa gjetur portën e Strakoshës.

15’ Aksion i rrezikshëm i gjeorgjianëve në të majtën e sulmit, pasimi në qendër për fat nuk gjen devijimin drejt portës së Strakoshës nga Mikautadze.

12’ Hoxha nga e majta hyn drejt qëendrës dhe lëshon një gjuajtje të fortë, por pa gjetur katërkëndorin e gjeorgjianëve.

7’ Kvaratskhelia harkon në zonë nga një goditje dënimi, Manaj i kthyer në mbrojtje largon sferën nga zona.

5’ Ccakvetadze nga e djathta kalon Mitajn dhe pason për Kvaran, Kumbulla përsëri largon rrezikun.

3’ Hysaj nga e djathta pason për Manajn, gjuajtja e tij bllokohet nga mbrojtësit gjeorgjianë.

3’ Top në thellësi për Manajn, sfera shkon direkt në duart e portierit.

2’ Kvaratskhelia provon të hyjë në zonë në qendër, Kumbulla e ndalon dhe largon rrezikun pas një starti të shpejtë të miqve.

1’ Nis dueli në “Air Albania”.