Përgjysmohen pikët, kalendari në “Final Four” që nxjerr ekipin kampion në Superiore

Me mbylljen e sezonit të rregullt të Abissnet Superiore, janë përcaktuar 4 ekipet që do të vazhdojnë garën për titullin kampion të këtij sezoni: Vllaznia, Egnatia, Elbasani dhe Dinamo.

Për 4 klubet do të ketë një përgjysmim pikësh. Duke qenë se Vllaznia, Egnatia dhe Dinamo e mbyllën sezonin e rregullt me numër tek pikësh, humbin në këtë rast nga një pikë. Elbasani ka përgjysmim pikësh pa “humbje”, pasi e mbylli renditjen me numër çift.

1. Vllaznia 31 pikë
2. Elbasani 31 pikë
3. Egnatia 28 pikë
4. Dinamo 24 pikë

Të gjitha ndeshjet për të tre javët do të luhen në stadiumin kombëtar “Air Albania”, në orën 19:00. Ekipi që do të grumbullojë më shumë pikë bashkë me këto të përgjysmuarat do të shpallet kampion i këtij sezoni.

Java e parë

Vllaznia-Dinamo, 16 maj

Elbasani-Egnatia, 17 maj

Java e dytë

Vllaznia-Egnatia 23 maj

Elbasani-Dinamo 24 maj

Java e tretë

Egnatia-Dinamo 29 maj

Vllaznia-Elbasani 31 maj