Perisic i kundërpërgjigjet Schick, Kroacia ndalet ndaj Çekisë (VIDEO)

Kroacia nuk ka mundur që të shkojë më shumë se një barazim 1-1 në duelin kund Republikës Çeke. Skuadra e Zlatko Dalic zhvilloi një tjetër ndeshje të dobët, duke komplikuar së tepërmi çështjen e kualifikimit për në fazën tjetër. Schick dha sinjalin e parë të rrezikshëm në minutën e 18-të, por goditja e tij u neutralizua mjaft mirë nga Livakovic.

Kroacia reagon shumë shpejt me Perisic, por edhe tentativa e tij është e dobët. Në minutën e 34-t, Lovren bën një ndërhyrje shumë të gabuar në zonë, duke i dhënë një bërryl Schick. Arbitri nuk ka asnjë dyshim për penallti pasi risheh pamjet në VAR. Edhe pse i gjakosur sulmuesi shkon për ta ekzekutuar vetë 11-metërshin, të cilin e kthehu në gol. Ai është golashënuesi më i mirë deri më tani në Europian.

Kroacia zgjohet vetëm në fillimin e pjesës së dytë duke vendosur baraspeshën. Ivan Perisic me një aksion të bukur personal e dërgon topin në trekëndëshin e portës, duke mos i dhënë asnjë mundësi reagimi portierit. Minutat ne vijim janë më të qeta, me Kroacinë, disi më aktive në fazën e avancuar. Vlasic shpërdoroi një mundësi shumë të mirë shënimi, por tentativa e tij shkoi jashtë kuadratit të portës. /Rozalb Lika-Koha Jone/