Pezullimet, ja yjet që mungojnë në gjysmëfinale

Franca, Gjermania, Portugalia dhe Uellsi  nuk do të kenë të gjithë lojtarët në dispozicion për gjysmëfinale, disa për shkak të lëndimeve e disa për shkak të kartonëve.

Uefa ka konfirmuar se cilët lojtarë do të humbin gjysmëfinalen për shkak të pezullimit. Janë katër lojtarë që nuk do të luajnë në gjysmëfinale.

Uellsi ka dy lojtarë, Aaron Ramseyn dhe Ben Davies. Kurse Gjermania e Portugalia nuk do të kenë në dispozicion nga një lojtar, Mats Hummels përkatësisht William Carvalhon.

Ndërsa Franca merr një lajm të mirë në këtë aspekt, pasi nga pezullimi rikthehen N’Golo Kante dhe Adil Rami.